Tramp şatdaunun Respublikaçılar üçün Faydasından Danışdı

ABŞ Prezidenti Donald Tramp hökumətin fəaliyyətinin dayandırılmasının (şatdaun) onun administrasiyasına Demokratlar Partiyasının proqramlarını qəbul etməmək imkanı verdiyini bəyan edib. Oxu.Az xəbər verir ki, bu barədə ABŞ lideri "Fox Business" kanalına müsahibəsində bildirib. Bundan əvvəl də ABŞ prezidenti dəfələrlə xəbərdarlıq edib ki, şatdaun federal işçilərin ixtisarına və Demokratlar Partiyasının təklif etdiyi layihələrinin ləğvinə səbəb ola bilər. Xatırladaq ki, ABŞ federal hökuməti oktyabrın 1-dən etibarən maliyyələşdirmənin olmaması ilə əlaqədar qismən fəaliyyətini dayandırıb. Bu, ABŞ Konqresində hakim Respublikaçılar və müxalifətçi Demokratlar Partiyasının nümayəndələrinin səhiyyə sahəsi də daxil olmaqla, bir sıra xərclər barədə razılığa gələ bilməməsi səbəbindən baş verib.